Псалтирь - Давид царь
Тут можно читать бесплатно Псалтирь - Давид царь. Жанр: Древнерусская литература издательство , год .
Так же Вы можете читать полную версию (весь текст) онлайн без регистрации и SMS на сайте knigi-for.me (knigi for me) или прочесть краткое содержание, предисловие (аннотацию),
описание и ознакомиться с отзывами (комментариями) о произведении.
В конец, да не растлиши, псалом песни Асафу, 74
2 Исповемыся Тебе, Боже, исповемыся Тебе, и призовем имя Твое; повем вся чудеса Твоя. 3 Егда прииму время, Аз правоты возсужду. 4 Растаяся земля и вси живущии на ней, Аз утвердих столпы ея. 5 Рех беззаконнующым, не беззаконнуйте: и согрешающым, не возносите рога, 6 не воздвизайте на высоту рога вашего, и не глаголите на Бога неправду: 7 яко ниже от исход, ниже от запад, ниже от пустых гор. 8 Яко Бог судия есть: сего смиряет, и сего возносит. 9 Яко чаша в руце Господни, вина нерастворена, исполнь растворения, и уклони от сея в сию: обаче дрождие Его не истощися, испиют вси грешнии земли. 10 Аз же возрадуюся в век, воспою Богу Иаковлю: 11 и вся роги грешных сломлю, и вознесется рог праведнаго.