Псалтирь - Давид царь

1 Возведох очи мои в горы, отнюдуже приидет помощь моя. 2 Помощь моя от Господа, сотворшаго небо и землю. 3 Не даждь во смятение ноги твоея, ниже воздремлет храняй тя, 4 се не воздремлет, ниже уснет храняй Израиля. 5 Господь сохранит тя, Господь покров твой на руку десную твою. 6 Во дни солнце не ожжет тебе, ниже луна нощию. 7 Господь сохранит тя от всякаго зла, сохранит душу твою Господь. 8 Господь сохранит вхождение твое и исхождение твое, отныне и до века.